ԲՈՑԱՎԱՌ ԿՐՔՈՏ ՍԵՐ 18 +

Իմ ստեղծագործությունների  մեջ  կան տարբեր  թեմաներով գրվածքներ, որոնց մեջ տեղ  են  գտնում, առակներ, առածներ պատմվածքներ, հեքիաթներ, աֆորիզմներ,  փաստավավերագրական նյութեր, հումորային ժանրի գործեր նույնիսկ  պամավեպեր և այլն: Սակայն, մտքովս երբեք չէր անցնի, որ հնարավոր է էրոտիկ ժանրին անդրադառնամ։ Բայց, ինչպես ասել եմ միշտ, այդ ամենը գրվում է հանկարծակի, և այս անգամ իմ ընկերներին եմ ներկայացնում`  18 + « ԲՈՑԱՎԱՌ ԿՐՔՈՏ ՍԵՐ » ստեղծագործությունը։

  Գեհենի   Առաքել.

ԲՈՑԱՎԱՌ    ԿՐՔՈՏ ՍԵՐ

Կամաց բացվեց ննջարանի դուռը, նա ներս մտավ անձայն, երևում էր` շատ հոգնած է: Ծիրանագույն, խավար լույսերի մեջ վարագուրված հսկա մահճակալին` տիրուհին ճեմում էր, մետաքսյա թափանցիկ գեղեցիկ գիշերային զգեստը նրան բոցավառ և կրքոտ էր դարձնում, բաց կուրծքը ալեկոծվում էր, էլ չէր համբերում, որպեսզի իրեն նետի սիրեցյալի գիրկը։

— Սերժի՛կ ջան, եկա՞ր, — մեղմ, կրքոտ ձայնով հարցրեց նա:

— Ռի՛տա, էս քնած չե՞ս, — զարմացավ Սերժիկը:

Երևի լուսավորված միջանցքից մտնելով կիսախավար, դեռ չէր ընտելացել այդ խավար լույսին, փորձեց շարժվել ձայնի ուղղությամբ։

— Սերժիկ, այստեղ եմ, անուշս, — ասաց կրքոտ ձայնով, սիրո շղարշով ամփոփված կինը։ Սերժիկը մոտեցավ մահճակալին, կինը ամբողջությամբ այրվում էր, կարծես թե ուր որ է կժայթքի ու հրաբխի նման կսկսի իր շիկացած լավան դուրս թափել։ Ինչպիսի՜ կրքոտ գիշերներ է ունեցել նա, երբ դեռ աղջիկ էր, իսկ այս վերջին տարիների բժշկությունը կարծես կրկնապատկել էր իր և ամուսնու էներգիան և կիրքը։

— Ռիտա, էլի էս վիճակու՞մ ես, — դժգոհեց ամուսինը:

— Հա, Սերժիկ ջան, միայն ոչ թե էլի, այլ կրկին, — կրքոտ ձայնով ասաց նա, — Սերժո, չես տեսնու՞մ, որ արդեն այրվում եմ, շիկացել եմ, ինչպես երկաթը հնոցում:

— Հա, տեսնում եմ, — դժգոհ ֆշշացրեց նա:

— Դէ, էլ ու՞մ ես սպասու՞մ, — ասաց կինը, — Սերժո ջան, երկաթը տաք-տաք են ծեծում:

— Ռիտա ջան, հիմա ուզում ես, որ ծեծե՞մ:

— Հա Սերժիկ ջան, էնքան եմ ուզում, որ ծեծես, նվաստացնես, խոշտանգես, ես դրանից միայն բավականություն եմ ստանում:

— Ռիտա ջան, հո դու հայ ժողովուրդը չե՞ս, — զարմացավ ամուսինը:

— Սերժիկ ջան, ինչու՞ ես վիրավորում, անկողնու մեջ կինը պետք է լինի, որպես Վենետիկյան պոռնիկ, որպես հարճ, որպես գիշոտա ու մի մոռացի, որ սիրո և գեղեցկության աստվծուհին այդպես էր․․․ Այնպես որ, վերցրու ինձ, ես ամբողջության քոնն եմ։ Չարչարի՛ր քո ստրկուհուն․․․

— Ռիտա, դու գիտես, որ առանց այն էլ գործի տեղը այդ եմ անում, հիմա էլ դու՞:

— Սերժո ջան, լավ էլի, բա իզուր քեզ ուղարկեցի՞ ցողունապատվելու։ Բա չես հիշու՞մ, թե բժիշկը ինչ ասաց, որ ցողունը չօգտագործես` կկախվի ու ամբողջ ծախսած փողը կգնա կկորի:

— Հա ասել է Ռիտա, բայց էդ անտեր ցողունը սաղ օրը Գալուստ Սահակյանի ձեռքին է, նա թողնու՞մ է, որ իջնի:

— Լավ էլի, Սերժիկ ջան, շա՜տ եմ խնդրում, — աղաչեց կինը:

— Լավ, Ռիտա, ասա տեսնեմ էս անգամ ի՞նչ ես մտածել:

— Սերժիկ ջան, այսօր սեքս չեմ ուզում, բայց ուզում եմ, որ ինձ նվաստացնես: Պատկերացրու, որ ես էն « 100 ամյակը առանց Ռեժիմի » տղերքից եմ, ինձ նվաստացրու և խոշտանգի:

— Բայց, Ռիտա ջան, արդեն հոգնում եմ քաղաքականության քո խաղերից, անկողնում չեմ ուզում պոլիտիկա, անցած անգամ Գարեգին -Բ ն էիր, հետո Գագիկ Հարությունյանը․․․ Գիտե՞ս ինձ հեշտ է, հա՛մ գործի տեղը դրանց հետ կենակցել, հա՛մ էլ տանը:

— Հասկանում եմ, Սերժո ջան, բայց դու էլ ինձ հասկացի՛, ես քո համար եմ անում, հո չե՞նք թողնելու, որ ցողունի հետ բան կատարվի:

— Ռիտա ջան, ցողունի մասին մի մտածի, ողջ կառավարությունը ու ազգային ժողովը դրա մասին են մտածում:

— Լավ էլի Սերժո ջան, գոնե էս վերջին անգամ, խնդրում եմ:

— Ռիտա ջան, գիտես արի ավելի ճիշտ սպարապետ-սպարապետ խաղանք, — առաջարկեց ամուսինը:

— Ո՞նց, Սերժիկ ջան, — ուրախացավ կինը:

— Դե, դու կասես սպարապետ ես, ես էլ քեզ կդոմփեմ:

— Լուրջ ես ասու՞մ, — կնոջ աչքերը փայլեցին ուրախությունից, — բա ես ի՞նչ պիտի ասեմ, Սերժո ջան:

— Դե, դու կասես, — նա սկսեց մտածել, հանկարծ հիշեց թե ինչ պիտի ասի կինը, — Ռիտա ջան, դու կասես. « Մեր դեմ խաղ չկա »:

— Վա՜յ, ինչ լավ բան ասացիր, Սերժո ջան, — ուրախությունից սկսեց ցատկոտել կինը։

Քիչ հետո ննջարանից լսվում էր աղիողորմ ճիչ, կարծես ինչ-որ մեկին էին խոշտանգում, « Մեր դեմ խաղ չկա » բղավում էր կինը: 
— Ա՛ռ քեզ սպարապետ, ա՛ռ ա՛ռ, — բղավում էր սիրեցյալը և նվաստացնում սիրուհուն։

Գեհենի Առաքել 11/04/2015

 

ԱԶԱՏԱՄԱՐՏԻԿԻ ՆԱՄԱԿԸ ԻԼՀԱՄ ԱԼԻԵՎԻՆ

Բարև  Ձեզ,    պարոն  Իլհամ   Ալիև:    Այս    նամակը    գրում    է    Ձեզ Ղարաբաղյան պատերազմի վետերաններից մեկը. Իմ անունը Քաջազուն Հայրապետյան է: Երևի շատ զարմանալի կթվա, բայց ես ժամանակին կռվել եմ ադրբեջանական ուժերին դեմ: Մի խոսքով հարցը այն չէ, թե ինչու՞ և ինչի՞ համար ենք կռվել, հարցը քաղաքական հարթությունից փոխադրենք հումանիտար և մարդասիրական հարթություն Չնայած, որ քաղաքական առումով երկուսս էլ խաբված զոհի կարգավիճակում ենք. Դուք` Ձեր հոր կողմից, իսկ ես` մեր վայ իշխանությունների: Մի խոսքով անցածը ետ չես բերի, իսկ ապագան մշուշոտ է և անկանխատեսելի: Պարոն նախագահ, Իլհամ Հեյդարովիչ, ինչքանով գիտեմ` Դուք ֆինանսապես և տնտեսապես ապահովված մարդ եք, խնդրում եմ մի քիչ գումարով օգնեք ինձ և իմ ընկերներին, որպեսզի գոնե կարողանամ պրոտեզներս փոխեմ: Ոտքս կորցրել եմ պատերազմում, առաջին կարգի հաշմանդամ եմ, պետության տված թոշակը հազիվ բավարարում է միայն դեղորայքին, չհաշված անօթևան եմ և վարձով եմ մնում, մի ամիս սրա տանը մյուս ամիս նրա տանը, արդեն քսանհինգ տարի է այս վիճակին եմ, այդքանից հետո էլ կոմունալ ծախսերն են խեղդում, ջրի և լույսի վարձի չվճարելու համար արդեն չորս տարի է, ո՛չ լույս ունենք, ո՛չ էլ ջուր: Երեխաներին էլ ուսման վարձերը չվճարելու համար համալսարանից հեռացրեցին: Իսկ իմ ընկերները ավելի վատ վիճակում են, նրանցից շատերը մահացան Բոմժության դժվարություններից ու հիվանդություններից, իսկ ապրողները անգամ իրենց բուժման ծախսերը չեն կարողանում վճարել, բոլորը մնացել են առանց ատամնաշարի, մի խոսքով բոլորս Բոմժից էլ վատ վիճակում ենք հայտնվել: Չնայած որ մենք պատերազմը իբր թե հաղթեցինք, սակայն պարտվեցինք բարբարոսի ճակատամարտում: Բարբարոսները չասեմ, թե ովքեր են, կարծում եմ, որ արդեն գուշակեցիք... Այո դրանք ձեր քաղաքացիներն են, որոնք Ադրբեջանի քաղաքացի լինելով, եկան ու զավթեցին մեր անկախությունը, թալանեցին և խոշտանգեցին մեր ժողովրդին: Դուք բազմիցս նշել եք, որ ռոբերդ քոչարյանն ու սերժ սարգսյանը մեր քաղաքացիները չեն, այլ ձերն են, ու մեր Ոճրագործ խեղկատակի ցանկությամբ նրանք եկան և սկսեցին իրենց թալանը, ո՞վ գիտե, եթե նրանք չլինեին միգուցե մենք հաշտ և խաղաղ ապրեինք: Քանի որ շատ բաներ ղեկավարներից է կախված` ղեկավարն է թշնամություն և թշվառություն սերմանում իր շուրջը, նա է խոշտանգում և ոչնչացնում ժողովրդին: Չեմ կարծում, որ Դուք վատ ղեկավար եք. Մեր ղեկավարների պես սառնասիրտ ու ոճրագործ: Մի խոսքով, պարոն նախագահ, եթե կարողանաք մի քիչ օգնել մեզ` վետերաններիս, շատ երախտապարտ կլինեինք, կամ գոնե մեր երեխանների ուսման վարձերը մասամբ վճարեյիք, մենք մերը ապրել ենք: Այս քսանհինգ տարիներին չկարողացանք մի լավ բան տեսնել մեր այս Ազգադավ իշխանություններից: Այս քսանհինգ տարուց ավելի է մեզ` Ազատամարտիկներիս խոշտանգել են, ոչնչացրել, ոչ միայն մեզ, այլ ողջ հայ ժողովրդին, սփյուռքահայերին: Հարգելի նախագահ, ակնկալում եմ Ձեր դրամական օգնությունը, որը կթեթևացնի գոնե վճարել պետական հարկերը, թե չէ մինչև տարվա վերջ չենք ձգի: Իսկ եթե կարողանայիք մեզ ձեռք մեկնել, ազատվելու այս հրեշավոր իշխանություններից, ապա կարող ենք վարձահատույց լինել: Ձեզ կվերադարձնենք ձեր երկու քաղաքացիներին ` իրենց գերդաստաններով, և ՀՀ առաջին նախագահ` լևոն տեր-պետրոսյանին էլ վրադիր: Կարծում եմ շատ ադրբեջանցիներ, բանները սրած սպասում են դրանց: Հարգելի՛ Իլհամ Հեյդարովիչ, կցանկանայի մի խորհուրդ տալ. այն սահմանին կանգնած զինվորները մեղք չունեն, որ այդպես սպանվում են, եթե դուք կռիվ ունեք, ապա ձեր կռիվը մեր դեմ չպետք է լինի, այլ մեր գեներալների և իշխանավորների: Նրանք են ձեր թշնամին, գնացեք նրանց հետ կռիվ արեք, զինվորներին ու ժողովրդին սպանում եք, որ ի՞նչ լինի: Հարկն եղած դեպքում մենք էլ ձեզ կաջակցենք... Այնքան կրքոտ Խանումներ ու Բաջիներ ունենք, որ Ձեզ և Ձեր թիմին փեշքեշ կանենք, կուղարկենք, որ ուրախացնեն: Օրինակի հեղինե նաղդալյանը. Լավ կրքոտ խանում է, ժպիտն էլ միշտ տեղը, էլ չասեմ մեր մշակույթի ու սփյուռքի նախարարներին, այնպես որ ձեր Մեջլիսն էլ, Մինի- Մեջլիսն էլ կբավարարեն, օֆ չեն ասի... Հա՛մ ձեզ օգուտ կլինի, հա՛մ էլ մեզ... Ասել է թե կարելի է փոխշահավետ գործարք կնքել, կարող ենք Ղարաբաղի փոխարեն ձեզ վերադարձնել Ղարաբաղի ողջ ղեկավարությանը, հանձինս բակո սահակյանի և արթուր ղարիբյանի: Մի խոսքով, Ղարաբաղի կառավարությունը ձեզ փեշքեշ... Դրան կարող ենք ավելացնել սպիտակցի հայկոյին ու շոու բիզնեսի մեր աստղերին` MP -3 ից սկսած, վերջացրած Շպռօտով, Գարեգին Բ-ն էլ վրադիր:

Իլհամ Հեյդարովիչ, տեսեք շատ փոխշահավետ առաջարկ եղավ: Ակնկալում եմ Ձեր դրական պատասխանը նաև դրամական աջակցությունը:

Հարգանքներով` Արցախյան պատերազմի I կարգի հաշմանդամ` Քաջազուն Հայրապետյան, էջմիածնի շրջան` գյուղ Արշալույս

05/04/2015